"அவரிடம் பன்முகத் திறமை உள்ளது. துடுப்பாட்டத்தில் திடமாக உள்ளார். அருமையான ஷாட்களை விளையாடினார். பந்துகளை ஆடாமல் விடுவதிலும் சிறப்பாகத் திகழ்ந்தார். அவரது ஆட்டம் அவர் முதல் டெஸ்ட்டை ஆடுகிறார் என்பது போல் இல்லை. 98 ஒரு நாள் சர்வதேச போட்டிகளில் விளையாடியது அவருக்கு உதவிகரமாக இருந்துள்ளது.

தனது முதல் போட்டியில் நெருக்கடி தருணத்தில் களமிறங்கி, மிகப்பெரிய கூட்டணி ரன் சேர்ப்பில் ஈடுபட்டு சதம் எடுப்பதற்கு மேல் நாம் என்ன கேட்க முடியும். நான் அவரை அவர் பாணியில் விளையாட அனுமதித்தேன். எப்போதெல்லாம் சிறிய மாற்றம் தேவையோ அப்போது மட்டும் அவரிடம் சென்று அறிவுரை கூறினேன். அவருக்கு மிகப்பெரிய ஷாட்களை அடிக்கும் திறமை உள்ளது அதனை எச்சரிக்கையாகவும் தேர்வு செய்கிறார்." என்று புகழாரம் சூட்டினார் டெண்டுல்கர்.

அதேபோல் தன்னுடைய தயாரிப்பு பற்றி சச்சின் கூறுகையில்,

 "நேற்றைக்கு முந்தைய நாள் நான் ஓய்வறை வந்தவுடன் ஐஸ் குளியல் குளித்தேன். அதன் பிறகு சிறிது நேரம் உடற்பயிற்சியில் ஈடுபட்டேன். வெகுமுன்னதாகவே இரவு உணவை முடித்துக் கொண்டு 8.30 மணிக்கு தூங்கச் சென்றேன். காலையில் எழுந்தவுடன் இதனால் மிகவும் புத்துணர்வுடன் இருந்தேன். எனது மனம் நல்ல உற்சாகத்துடன் இருந்தது.

4 நாட்களாக மைதானத்திலெயே விளையாட்டில் ஈடுபட்டிருந்தேன், இதனால் விரைவில் தூங்கச் சென்று காலையில் புத்துணர்வுடன் எழுந்திருக்கவேண்டும். டெஸ்ட் கிரிக்கெட்டிற்கு தயார் செய்து கொள்வது என்பது இதுதான்." என்று கூறினார் சச்சின் டெண்டுல்கர்.