இதில் சச்சின் டெண்டுல்கர் தனது 48-வது டெஸ்ட் சதத்தை அடித்தார். 108 ரன்களுடன் களத்தில் இருக்கிறார். இவருடன் சுரேஷ் ரெய்னா 66 ரன்களுடன் எடுத்து ஜோடி சேர்ந்து ஆடி வருகின்றனர்.

இந்திய அணி 241 ரன்களுக்கு நான்கு விக்கெட்களை இழந்து இக்கட்டான சூழ்நிலையில் இருந்த போது ஜோடி சேர்ந்த சச்சின், ரெய்னா இணைந்து இது வரை 37 ஓவர்களுக்கு 141 ரன்களைச் சேர்த்துள்ளனர்.

மிக நீண்ட காலத்திற்கு பிறகு இலங்கையில் சச்சின் டெண்டுல்கர் சதமடித்துள்ளார். (11 வருடங்கள்)

ஃபாலோ ஆனைக் கடக்க இந்திய அணிக்கு இன்னும் 61 ரன்களே உள்ளன. சச்சினும், ரெய்னாவும் அந்த ரன்களை தாண்டுவார்களா? அவர்கள் தொடர்ந்தால் இந்தியா எடுக்கும் ரன் எண்ணிக்கை இலங்கை அணியின் ஸ்கோருக்கு நெருங்குவதாக அமையுமென எதிர்பார்க்கலாம்.

இலங்கை அணி 642 ரன்கள் எடுத்து டிக்ளே செய்துள்ளமை குறிப்பிடத்தக்கது. தற்போது 3ம் நாள் ஆட்டம் முற்றுப்பெற்றுள்ளது.