நேற்றைய ஆட்ட முடிவின் போது இந்திய அணி 4 விக்கெட் இழப்பிற்கு 382 ஓட்டங்களை பெற்றிருந்தது. களத்தில் சச்சின் டெண்டுல்கர் 108 ஓட்டங்களுடனும், சுரேஸ் ரெய்னா 66 ஓட்டங்களுடனும் ஆட்டமிழக்காது இருந்தனர்.

இந்நிலையில் இன்றைய நான்காம் நாள் ஆட்டத்தில் தொடர்ந்து களமிறங்கிய சச்சின் 203 ஓட்டங்களை பெற்று டில்சானின் பந்து வீச்சில் ஆட்டமிழந்தார். மறுமுனையில் இருந்த சுரேஸ் ரெய்னா 120 ஓட்டங்களுடன் அஜந்த மெண்டிஸின் பந்து வீச்சில் சங்ககாரவிடம் பிடிகொடுத்து ஆட்டமிழந்தார்.

தொடர்ந்து களமிறங்கிய தோனி 76 ஓட்டங்களுடனும், மித்துன் 41 ஓட்டங்களுடனும், ஹர்பதான் ஓட்டம் எதுவும் பெறாது ஆட்டமிழந்தனர். சர்மா ஆட்டமிழக்காது 10 ஓட்டங்களுடனும், ஓஜா ஓட்டம் எதுவும் பெறாதும் களத்தில் இருந்தனர்.

எனவே இன்றைய நாள் ஆட்ட முடிவின் போது இந்திய அணி 198 ஓவர்களில் 9 விக்கெட்டுகளை இழந்து 669 ஓட்டங்களை பெற்று 29 ஓட்டங்களால் முன்னிலையில் உள்ளது.