இரு அணிகளுக்கும் இடையிலான டெஸ்ட் போட்டி இன்று எஸ்.எஸ்.சி மைதானத்தில் நடைபெற்றது. நாணயசுழற்சியில் வெற்றி பெற்ற இலங்கை அணி முதலில் துடுப்பெடுத்தாடி 90 ஓவர்கள் முடிவில் இரண்டு விக்கெட்டுகளை மட்டும் இழந்து 312 ஓட்டங்களை பெற்றது.

ஆரம்ப துடுப்பாட்ட வீரர்களாக களம் இறங்கிய டில்ஷான் அதிரடியாக 54 ஓட்டங்களையும் பரண விதான 100 ஓட்டங்களையும் பெற்றனர். இதில் ஆரம்ப இணைப்பாட்டமாக 99 ஓட்டங்களைப் பெற்றிருந்தபோது டில்ஷான் ஆட்டமிழந்தார்.

தொடர்ந்து களமிறங்கிய ணிஅணித்தலைவர் குமார் சங்கக்கார ஆட்டமிழக்காது 130 ஓட்டங்களைப் பெற்றார். இரண்டாவது விக்கெட் இணைப்பாட்டமாக பரணவிதான மற்றும் சங்கக்கார 174 ஓட்டங்களைப் பெற்றனர்.

இதில் பரணவிதான 100 ஓட்டங்களைப் பெற்று ஆட்டமிழந்தார்.

இதனைத் தொடர்ந்து களமிறங்கிய இடைநிலை வீரர் ஜயவர்தன 13 ஓட்டங்களுடன் களத்தில் இருந்தார்.

எனவே இன்றைய நாள் ஆட்ட முடிவின் போது இரண்டு விக்கெட்டுகளை மட்டும் இழந்து 312 ஓட்டங்களை பெற்றது.

பந்து வீச்சில் சர்மா, ஓஜா தலா ஒவ்வொரு விக்கெட்டுகளை பெற்றனர். எனவே இரண்டாவது இன்னிங்ஸ் நாளை வழமையான நேரத்திற்கு ஆரம்பமாக உள்ளது.